準新人逛花墟，不外乎搵花球和花飾，點綴婚禮場地添色彩。其實花墟點止賣花咁簡單？仲有間一站式婚禮服務「Thanksgivings Wedding」，由婚禮服飾、化妝、場地到花車佈置都有，以親民價為新人、婚禮扮靚靚！

唔使萬二蚊 包4套衫+MUA
準新人要外租或訂造婚禮服飾，都可以喺Thanksgivings Wedding一店搵齊。以嫁衣為例，店內有復古輕婚紗、性感deep V或公主袖等幾十種款式，凡租2套或以上婚紗禮服，即可免費升級拖尾婚紗，再送頸飾、耳環、頭紗、腰封和呔等男女禮服配件，幫新人慳番唔少瑣碎開支。

揀好靚衫，還要有靚妝，新娘子就更省鏡。租衫連MUA套餐HK$11,888起，包4套婚紗禮服、出門及晚宴新娘化妝髮型設計，MUA會喺晚宴時段6小時駐場跟妝，而且不限造型次數，令新娘子喺每個場合都豔麗動人！

繁簡佈置有得揀 教你DIY佈置大法
裝好身，就要諗埋場地佈置。Thanksgivings Wedding嘅教堂/證婚佈置套餐包絲花拱門和絲花柱兩件大型佈置，連同接待處枱花、小型擺設及座椅花飾等，將婚禮場地幻化成幸福花園。婚宴佈置套餐則有「精選版」(HK$4,688)和「完美版」(HK$8,688)，按新人嘅預算和喜好，繁簡佈置都有得揀。連同花車佈置，由出門、婚禮到婚宴，統一佈置風格。

Thanksgivings Wedding更有DIY佈置方案，新人以HK$880起租用花飾、枱布和畫架布等道具，自行佈置油畫架、迎賓枱及教堂長廊/酒店樓梯，並可加錢租用更多婚禮佈置，慳到開支之餘，亦唔怕浪費婚禮物資。新人可以喺Thanksgivings Wedding網站瀏覽DIY婚禮佈置短片，親手為婚禮場地扮靚靚。