主頁 > 婚後生活 > 蜜月旅遊

老公揸機影相10招蜜月呃like無難度

撰文: Randy Yoong 於 2016-07-22 03:36 159678 次觀看

蜜月

data_article_detail.is_new_Slide_show = False

同老公去旅行影相，十張有九張相都要delete──唔係低炒見雙下巴，就係合埋眼、擘大開口，要揀一張post到facebook好有困難！唔想因此炒大鑊，男士們要好好記低以下10個簡單攝影速成法，保證無論你用手機或傻瓜機影，都可以影到老婆似女神，輕輕鬆鬆呃like！

更多精彩內容：蜜月規劃懶人包

1. 變變變長腿
錯誤示範：普通企定定
女神示範：交叉腳企

時刻提醒honey，擺pose時最好交叉腳企，拉長下半身比例。影相時，留意腳的位置最好貼近相片底部，如相片底部預留太多空間，就會有壓縮感，望落去變短腳虎。

好多手機都可以外置廣角鏡，係影長腿神器，價錢大約HK$50-$200，size小如一個五蚊銀，不妨買個傍身。

更多精彩內容：蜜月規劃懶人包

2. 修長DD，再DD
錯誤示範：一般水平拍攝
誘人示範：中低角度拍攝

要讓另一半睇落去修長D，秘技係要中低角度拍攝。頭頂預留太多空間，整個人會變得好細粒，完全睇唔到面部表情及衣服細節；預留太少空間則會令畫面有壓迫感，令被拍者顯得矮小。

更多精彩內容：蜜月規劃懶人包

3. 唔用 PS 皮膚都變白滑
黑人示範：正午陽光下拍攝 + 背景空矌
白滑肌示範：樹蔭做背景

正午下影相，塊面一般都會偏暗或留下陰影。唔使 PS都影到好肌膚，竅門在於留意太陽光源，避免喺太陽光直射嘅地方影相，例如以樹蔭或涼亭等作背景，令光線分散及變得柔和，毋須 PS 都可拍出白滑肌。另外，可利用普通白紙代替遮光板把光線略略擴散開，以減少honey臉上陰影。

更多精彩內容：蜜月規劃懶人包

4. 擊退大背光
背光示範：無開閃光燈
清晰示範：閃光燈+zoom近拍攝

喺日落或背光環境下拍攝，其實只要開閃光燈，人像便會變得光亮清晰。但特別要注意嘅係，由於相機閃光燈只能正面打光，容易使人物線條變得僵硬，光線亮度高更會令人像偏白甚至曝光。

要解決這個問題，記得與honey保持遠一點距離，再zoom近相機對焦，就可避免光線直打面上，也更可拍出整體色調協調的靚相。

更多精彩內容：蜜月規劃懶人包

5. 昏黃燈光餐廳內拍出顏色鮮明的相片？
全黃tone錯誤
示範：咩都無set過
正常色tone示範：善用white balance

很多時餐廳燈光昏黃，影出嚟嘅人同食物都變成全黃tone，又或者面部出現陰影位，強行用閃光燈，可能仲衰。解決辦法係自訂「白平衡」(white balance)。一般而言，如想將畫面減少橙黃色調，只要將色溫數值調低或直接使用「鎢絲電燈泡」 mode就搞掂。

更多精彩內容：蜜月規劃懶人包

6. 有趣生動
全黃tone錯誤示範：棟篤企
動感示範：手機連拍 + 跳躍動作

張張相都棟篤企，悶死人。不妨善用手機連拍功能，拍攝生動有趣嘅跳躍動作。如要營造「跳得很好高」嘅效果，男士們需蹲下來喺honey腳腂位置低炒。此外，可提議honey表情配合，如擺出優雅跳躍動作時，可以cool DD；令整體感覺更協調，大大提升相片呃like度。

更多精彩內容：蜜月規劃懶人包

7. 做大明星
想營造電影感，只要簡單將相片比例由 4:3 調教到16:9搞掂。想效果再有趣D，可做DD後期製作，於相片加上歌詞或中英文字幕才post出facebook，呃like完全無難度。

更多精彩內容：蜜月規劃懶人包

8. 要講feel, 感覺更moody
想相片感覺更加moody，身為老公兼御用機佬，要隨意留意honey動態，捕捉佢最不經意moment，例如遠望風景、放空時或趁佢唔為意時偷影。呢d moody相一般呃like率非常高，辛苦D 都係值得！

更多精彩內容：蜜月規劃懶人包

9. 影風景相都要呃like
必學又易掌握－「對稱構圖法」，以畫面中軸線為分界，兩邊都係對稱景物，呈現出強烈秩序感。拍攝戶外風景時，不妨使用呢種構圖法，簡簡單單就可影到靚人靚景。

更多精彩內容：蜜月規劃懶人包

10. Close Up 唔穿崩
影close up 時，一般人鍾意將honey放畫面正中央，正路但感覺好悶死板。「井字構圖法」又名為「三分法」，將畫面分成九宮格，將另一半設置到任何一個橫直線交叉點，更具小品及寫真味道。

Photography & tutorial_Joe @ ZHOOT
Model_Sirrine @ ZHOOT
Text_Connie

更多精彩內容：蜜月規劃懶人包

老公揸機影相10招 蜜月呃like無難度

蜜月

蜜月

想緊貼更多結婚資訊？

老公揸機影相10招蜜月呃like無難度