不少b2b 買了淘寶、二手又或開倉平婚紗，到手後想改改 size，著完想洗一洗，但又不想花費太多，怎麼辦？在此，由 10 位新娘親身體驗過後極力推介的改裙及洗婚紗好店，或者可以幫到你！
![新娘推介：改裙及洗婚紗好店]()
HK$2XX 有交易
同學仔
shortyee ：「拎咗門口張傳單番公司打去問，老闆真係非常有禮貌！番到舖仲打番電話俾我，話佢已經到咗舖頭。叫我拎條裙落去俾佢睇，睇完佢已經開咗價，只係HK$2XX，出面起碼都五六百！只係兩日，佢已經打番俾我話已經拎得。」
圖：同樣推介卓穎的同學仔
Fidelityfi ：「老闆娘話 pin 完之後我好滿意，因為終於見到我心目中想要嘅形啦！」
卓穎專業改衣
地址：紅磡廣場二樓 B2
電話：5178 5881
![新娘推介：改裙及洗婚紗好店]()
令新娘小蠻腰再現
同學仔
GRL ：「David's Bridal 訂回來的 Vera Wang 婚紗，尺寸對我來說鬆到幾乎會跌。改婚紗店的資料是在 WOW 爬文得知，最後入選有紅磡跟銅鑼灣的改衣店，但走入紅磡我會成為路痴，所以最終還是不怕佔中人多走進銅鑼灣。一星期後，再去 fitting，小蠻腰走出來了 (不要騙人喇，其實我條腰成28 吋！) 不過胸位就有點緊，拉不上去。再等兩天，阿姨致電說我的婚紗已經改好，也太快了吧！不會太鬆也會太窄，Good Fit！收胸位和腰位，長度沒有改，盛惠 HK$430。」
Smart Professional Fashion Alteration
地址：銅鑼灣糖街 15-23 號銅鑼灣中心商場地庫 22 號舖
電話：2891 1283
![新娘推介：改裙及洗婚紗好店]()
一星期內起貨
同學仔
KONEKO ：「之前淘咗 2 條裙，諗住去影Free PW，同埋去同 B2B 們影Group Bridal Photo，點知淘兩條都 size 都唔 fit，但得番一星期，點改得切呢？好徬徨之際，多得 WOW 友 Snowy 雪介紹，去咗佐敦一間改婚紗店。去之前我都打咗電話俾老闆娘，話我 urgent 要用，問佢改窄婚紗一星期得唔得...佢都好好人，話只要唔太複雜，盡量趕俾我。拎咗條裙去俾佢過目，得知改得切條裙，實在太感動了！我改咗 2 條裙，total HK$350。」
甯彥改衣
地址：佐敦寶靈商場一樓 103 室
電話：9352 5312
![新娘推介：改裙及洗婚紗好店]()
屯門區隱世小店
同學仔
amberwu ：「呢間婚紗店有改婚紗、洗婚紗服務，如果你嚮出面買咗婚紗又想改而你又住係屯門，我覺得大家可以試試搵呢間，老闆娘話改衫個師傅係做咗好多年改婚紗嘅師傅嘅，現半退休，而小店洗婚紗嘅服務仲要係手洗同真係嚮太陽下曬乾再幫你燙埋！」
SY Wedding
地址：屯門建泰街 6 號恒威工業中心 1 樓 174 室
電話：3488 1551
![新娘推介：改裙及洗婚紗好店]()
改婚紗 識搵一定搵芳姐
同學仔
dream.about.yan ：「真係唔知件衫 cutting 靚定芳姐改衫技巧太無敵。條裙改到連副乳都無埋，個脥位包得超靚！ Yanyan 另外有一條裙需要改短，貪方便嚮芳姐度改埋。因為泡泡裙關係，條裙要拆線先可以再改短。芳姐都改得好靚！唯一就係收費比較貴，之前問過，俾大家有個預算，改婚紗收費 HK$1,100 起，改晚裝收費 HK$880 起。」
芳姐改衣
地址：銅鑼灣怡和街 8-14 號廣安大廈 5 樓 C (4 字 5 樓)
電話：9267 3243
![新娘推介：改裙及洗婚紗好店]()
久違了的腰線重現
同學仔
carriesogood ：「兩位改衫師傅都十分 nice，我試身後就幫忙用針收細，期間亦會問問我意見，鬆緊是否需要調節。尺碼調好後，再換下來確定改衫收費，期間他們說我這條裙的造工很好，他們需要較長時間修改，所以費用較高 HK$320，十天後就可以取貨了。取貨後再試，手工十分好呢！左邊是修改前，右邊修改後，腰線明顯了很多！」
香港半島改衣店
地址：尖東麼地道 67 號半島中心 LG 樓 45 室
電話：2369 6320
![新娘推介：改裙及洗婚紗好店]()
收窄兩邊紙口 HK$50
同學仔
bearsonx1 ：「老闆娘連職員共 3 人，再加客人同我兩個 total 8 個人迫爆店面…解釋完要改咩後， 我就先入尾房換婚紗。婚紗因為淘錯咗 M 碼，即使拉到最緊，都係離罩... 老闆娘即時幫我收窄兩邊紙口，只係 HK$50。」
恆基改衣
地址：九龍長沙灣元洲街257號 (長沙灣地鐵站 C1 出口)
電話：2386 1987
![新娘推介：改裙及洗婚紗好店]()
改衫絕不馬虎的老闆娘
同學仔
apple123 ：「兩夫婦努力經營的小店，老闆娘是個一絲不苟的人，雖然只收 HK$200- HK$300，但改得很合身！話就話淨係改濶窄，但佢見到條拖尾婚紗下面嘅裙擺車歪，佢睇唔過眼，竟然開曬線再車過！成條裙幫我由上到下改番順！以這樣的價錢，真的很值！正所謂一分錢一分貨，老闆娘肯定是交足貨的，感謝！我條婚紗又拖尾又重釘工，其他舖一定話難改要加錢！」
針線軒
地址：天后蘋果商場地下
![新娘推介：改裙及洗婚紗好店]()
洗拖尾及重釘工婚紗 只需 HK$300
同學仔
apple123 ：「我條重釘工大拖尾婚紗只係洗咗 HK$300！我問咗好多間，一聽到拖尾及重釘工就一定要 HK$600 以上！搵咗好耐先搵到間收我 HK$300！洗完新嘅一樣，好開心呢！」
巧華乾洗公司
地址：香港菲林明道 39 號 A 鋪
芯芯洗衣站
地址：灣仔三角街 10 號地下
![新娘推介：改裙及洗婚紗好店]()
HK$30 洗婚紗？係真唔係？
同學仔
rubychow ：「發現咗呢間位於太子嘅洗衣鋪，係好舊式嘅洗衣鋪，問咗洗一件婚紗都只係需要 HK$30 咋 (當然如果有超大拖尾等，可能要加多十蚊廿蚊啦)！姐姐話平時都有幫婚紗鋪洗衫，都係照放入機洗咋，所以如果大家係好錫件衫，你個件婚紗晚裝係名牌想乾洗手洗的話，就唔太合適。但如果只係買咗件淘寶、二手又或開倉平貨，著完想洗一洗，露比覺得呢 HK$30 真係好抵俾。但如果你件衫好多特別 lace 配件怕會爛，風險就要自付了！不過由於自己洗真係太費力，露比一定會拎出去俾人洗就算。多口問埋，男士西裝一套清洗費大約係 HK$43，都好抵！」
新鳳琚洗衣公司
地址：旺角柏樹街 18 號 A 地下
電話：2395 3729
Text_Connie
(按此進入我的WOW)
婚享同學會
婚禮商戶指南
