【媽媽衫款式】推介9間媽媽衫奶奶裙晚裝小店!準新娘分享試衫必須留意的細節

【媽媽衫款式】推介9間媽媽衫奶奶裙晚裝小店!準新娘分享試衫必須留意的細節
婚禮當日,除了新娘子要靚,媽媽、奶奶都要扮靚,不過很多新娘都表示婚紗店太少媽媽衫套裝可以選擇,又難找到合媽媽心意兼啱budget 的款式。有見及此,我特意結集了 10 位新娘子誠意介紹的媽媽衫小店,令你可以行少一點冤枉路,極速 K.O 媽媽衫 item!

Photo by_D Park Photography

媽媽試衫的小貼士


1.千祈唔好齋睇唔試



同學仔 CLLP:「媽媽衫一直係我最擔心嘅一件事,媽媽本身後生時係做製衣,對衫嘅要求好高,同埋佢本身唔多著裙,依家要佢著套晚裝上身,我同佢都想像唔到會係點樣。左揀右揀都揀唔啱,佢更自己上淘寶睇,直到有朋友話,係要夾媽媽去著啲野上身拼下,拼拼吓就會知道佢自己想要咩。如是者,父親節當日,爸爸同我就夾咗媽媽去試衫,爸爸同我就坐定定睇媽媽不停換衫、換衫同換衫,果然,試咗幾條,佢已經知自己要咩,好快就揀到。」

店舖:名婚紗
網址: http://www. wedding-dress.com.hk/

(按此詳閱 CLLP 婚享的媽媽衫 Blog)

圖:著上深紫西式晚裝款,媽媽睇落瘦咗,同埋好大方。

2. 要配合媽媽的性格:潮媽可選型格Jumpsuit



同學仔 disneyfication:「嚮我心目中,我媽媽嚮我 big day 嗰日係會著好似千嬅新紮師妹入面嗰件 halter top jumpsuit!而我問佢,佢答:『咁曝露!不過都 OK 嘅!』 最後呢 4 件 jumpsuit,紅色嗰件真係一睇到就心心眼...如果媽媽著黎敬酒實好靚!短嗰件都好特別,亦好 elegant!」

網店:ASOS ; Zalora
網址:http://www. asos.com ; http://www. zalora.com.hk

(按此詳閱 disneyfication 婚享的媽媽衫 Blog)

3. 俾媽媽著嘅 質料一定要好



同學仔 Francis:「啲料好明顯比出面好好多!布料係日本布,lace 都係外國黎嘅!佢造衫之前更加會再約你多次,會造一件模擬衫比你 foresee 吓個效果,加上細節位可以度得準好多!最後一共訂造咗兩件。」

店舖:Starlink Couture
網址:https://www.facebook.com/starlinkcouture

(按此詳閱 Francis 婚享的媽媽衫 Blog)

圖:藍色媽媽衫,訂造價約 HK$5,000。

4. 媽媽都要靚 魚尾超省鏡



同學仔 mtwong:「我相信好多 b2b 都會覺得以媽媽身分著呢套晚裝身份會不會太靚? 會不會太搶眼? 或者我再分享多啲,媽媽多年來都係一個 100 分嘅好新抱、好媽媽。佢平日任何事都百般忍讓,又非常支持同鼓勵我同妹妹做我哋想做嘅事,盡能力為我哋向古板爸爸爭取最大嘅自由度。嚮屋企,佢甘願將自己放到最低位置。到今日我同妹妹都長大,家中主權終於由男權轉到女權,爸爸都歸順成為女兒國順民,係時侯俾媽媽跟著自己嘅意願去做。媽媽想嚮個女結婚時著得特別靚又有乜野問題?做女嘅係時侯支持一下!」

店舖:Blossom Wedding
網址:https://www.facebook.com/pages/Blossom-Wedding/165745736806335

(按此詳閱 mtwong 婚享的媽媽衫 Blog)

5. 長袖加厚料 以防媽媽凍親



同學仔 carriesogood:「媽媽經常講,我一月時嚮室外結婚會好凍,所以嗰啲背心短袖露膊打出心口嘅,通通都唔可以!佢又經常話要著旗袍,即是要著厚身,中長袖嘅旗袍啦!試咗呢款,閃閃桃紅 pattern 好好睇,絲絨質料夠厚,又係媽媽鍾情嘅旗袍款,而訂造可以改做中袖唔需要加錢添!」

店舖:龍鳳店
地址:九龍太子彌敦道 745-747 號金都商場金都 B/F 25 號舖

(按此詳閱 carriesogood 婚享的媽媽衫 Blog)

6. 秘密靚裙 唔係個個有得試



同學仔 kcchung:「試咗幾套之後,老闆娘番黎,原來佢同我阿姨好熟,佢見到啲款唔係好襯我媽,就叫我哋落樓下睇。老闆娘真係老闆娘,只係拎咗幾套出黎,套套都好靚!老闆娘講嘢好有說服力,拎靚出黎嘅都係靚嘢,話呢啲貨係專俾啲唔介意洗多少少錢嘅媽媽!」

店舖:愛華婚紗
地址:元朗炮仗坊 7 號地下連二樓

(按此詳閱 kcchung 婚享的媽媽衫 Blog)

圖:媽媽試呢套,我哋覺得好靚。款式可以遮到媽媽厚背,條腰又出番晒黎。

7. 海量媽媽衫 梗有一件啱



同學仔 Angelic_per@:「我自己租衫嘅 bridal shop 無太多媽媽衫,所以㨂唔到。之後媽媽識人,所以去咗觀塘一間租衫地方睇睇。嗰度幾大 ,有 6排架係 around 媽媽衫,估計有 300 幾件。價錢由 HK$300- HK$1200 都有,佢有 2 次轉款。媽媽見啲衫好閃都好 like,所以開咗單。遲啲帶埋奶奶、老爺同爸爸黎揀衫,Yeah!又煩少樣嘢!」

店舖:藝心婚紗
網址:九龍觀塘巧明街 111-113 號富利廣場 6 樓 601-602 室

(按此詳閱 Angelic_per@ 婚享的媽媽衫 Blog)

8. 北上尋寶去 六百蚊有找



同學仔 bearsonx1:「奶奶係跳舞朋友口中得知深圳羅湖城頂層超多造跳舞衫同媽媽衫嘅舖,決定要上去睇睇,咁我當然拉埋媽咪行吓。羅湖城係關口旁邊,出咗關口後行 5 分鐘已經到達,真係這麼近那麼遠。上到去行咗一圈,大約有 20 家做旗袍嘅舖,當中有啲香港 style 媽媽衫,價錢由 RMB 580 起 (加工複雜程度決定) ,最後媽媽成功買到一件!呢套旗袍係媽咪最後選擇!!! 原價 RMB600,講價後 RMB580。」

店舖:雅典
地址:羅湖商業城 5/F 電器城 30 號舖

(按此詳閱 bearsonx1 婚享的媽媽衫 Blog)

9. 盡可能滿足媽媽的願望:鍾情絲絨的媽媽



同學仔~~希希~~:「試咗兩件,媽媽都係鍾情絲絨裙 (本身租嗰間都有),但呢間貴成三百蚊,梗係去番原先嗰間啦!想話去第二度睇埋先,點知要二百蚊試身費,咁反正都要俾錢,試盡佢啦!試咗三四件,媽媽最愛都係絲絨,所以都係運吉,去番原先嗰間,不過媽媽真係超開心,直頭係我要做 model 咁款,二百蚊都無白費到嘅!」

店舖:松柏婚紗晚裝公司
網址:九龍旺角彌敦道 745-747 號金都商場 1 樓 108 號鋪及 2 樓 212 號鋪

(按此詳閱~~希希~~婚享的媽媽衫 Blog)

10. 「嘩」一聲嘅媽媽衫



同學仔 mankyau:「職員因應岳母身形、喜好,揀選一件媽媽衫俾佢試,本來都有少少擔心著上身會不會唔好睇,不過不妨一試。試咗出黎,真係嘩咗一聲!非常高貴大方,而且唔會太俗,岳父都即時心心眼呢!岳母二話不說,就決定租呢件媽媽衫,難得遇上心頭好嘛!費用方面,HK$780 一件,包披肩一條,可嚮 Big Day 前一星期上去試身改衫,加按金 HK$2,000,仲可以即時拎走。Big Day 後幾日先還都無問題,租期好有彈性,值得一讚。」

店舖:MDL wedding
網址:http://www.mdlshop.com

(按此詳閱 mankyau 婚享的媽媽衫 Blog)

Edit_Connie & Poyee

延伸閱讀:【媽媽衫奶奶衫晚裝】新娘子推薦4間禮服店!5個試身裝身貼士