4個熱門亞洲小島 明星都在這裡出嫁！
撰文: Edith Yuen 於 2018-04-04 01:01
39287 次觀看
data_article_detail.is_new_Slide_show = False
旅行結婚係唔少新人嚮往嘅婚禮形式，鍾意佢化繁為簡，流程輕鬆，加上陽光與海灘、藍天與白雲，絕對係一場寫意婚禮。想擁有一場充滿大自然氣息嘅海外婚禮，亞洲就有4個大熱海島推介，唔少明星結婚都揀佢！
![4個熱門亞洲小島 明星都在這裡出嫁！]()
印尼峇里島
吳奇隆、劉詩詩、林心如、霍建華、徐若瑄都揀印尼峇里島行禮。呢度屬熱帶氣侯，四季如夏，365日都適合舉行婚禮。峇里島大部分酒店都附設教堂及戶外婚禮場地，擁有無敵海景，可以俯瞰印度洋壯麗景色。喺呢個海天一色嘅靚景下，呢幾位明星都一致選擇白、粉色姊妹裙，連賓客都以淺色衣著打扮，非常青春夢幻。
航程：約5小時
小貼士：香港新人可在峇里島結婚場地內一次過辦妥合法註冊手續。
![4個熱門亞洲小島 明星都在這裡出嫁！]()
泰國布吉島
布吉唔單止係度假勝地，亦不失為海外婚禮之選，林志穎就揀喺當地沙灘與老婆補辦婚禮，仲有兒子Kimi做花仔。布吉嘅villa可以媲美馬爾代夫，一樣有水上屋俾你豪歎，行禮後喺度蜜月就最寫意喇。
航程：約5.5小時
小貼士：香港新人可在峇里島結婚場地內一次過辦妥合法註冊手續。
![4個熱門亞洲小島 明星都在這裡出嫁！]()
中國海南島三亞
大S 徐熙媛同老公汪小菲就喺海南島三亞萬達三亞海棠灣希爾頓逸林度假酒店 (Doubletree by Hilton Sanya Haitang Bay)舉行盛大白色婚禮，場地擁有全三亞最大的巨型宴會廳，可筵開七十多席。
三亞位於海南島的最南端，坐擁南中國海美景，係中國難得一遇嘅私密小島。地點離香港只有1.5小時機程，非常便捷，而且屬亞熱帶氣候，同香港差唔多，新人同賓客容易適應。
航程：約1.5小時
小貼士：若你打算與愛侶在中國內地進行婚姻註冊，須依照內地法規辦理婚姻登記手續。內地登記婚姻工作是省、自治區、直轄市政府的民政部門，或有關民政部門所確定的機關負責。
![4個熱門亞洲小島 明星都在這裡出嫁！]()
菲律賓長灘島
長灘島沙灘被冠以「全世界最浪漫的白沙灘」，灘上幾乎沒有碎石，白沙非常綿細，可以除鞋漫步。呢度仲有海灘酒吧街及美麗海岸線。梁靜茹結婚時，就喺海邊揚帆，掛起印上佢同老公名字的帆，一吻定情。
航程：約4.5小時
小貼士：在菲律賓婚姻法中並沒有離婚一項，感情破裂的夫婦只可選擇合法分居。
Text_Fanny
（Editor's Blog）
婚享同學會
婚禮商戶指南
