好多人話，結婚大搞儀式只係做俾人睇，既麻煩，又破費。所以現時好多人都會選擇二人世界，逃出香港旅行結婚。如果你同另一半都有咁嘅諗法，去泰國清邁結婚兼蜜月旅行就一定適合你。

慢一點，感受多一點
清邁係泰北政治、經濟、文化中心。作為內陸城市，清邁雖然缺乏無敵海景，但由於係平河流域，冬暖夏涼，氣候宜人，所以孕育大量良田。同高度發展嘅曼谷相比，清邁田園山色比比皆是，多一份隱世氣息。對於生活係香港石屎森林中嘅我哋來講，可以放慢腳步，靜享和愛侶一生人一次嘅美好時光，絕對另有一番風味。

「進駐」山峰和田野
清邁山峰和田野特別多，例如泰國最高峰茵他儂山就位於清邁市內，最高點達2565米，上山沿途可以欣賞瀑布、森林，探訪咖啡園。而清邁一眾酒店亦非常聰明，會因地制宜，將建築分佈係各個山峰和田野之間，充分利用自然景觀，共生共融。入住呢類酒店，你會覺得自己被大自然緊緊擁抱，體驗泰國農民日出而作日落而息嘅簡樸生活理念。

歷史名城多古跡
清邁屬於泰國嘅歷史名城，係一個擁有700多年歷史嘅文化名城，所以市內有好多歷史古跡。例如清邁東城門（塔佩門Tha Phae Gate）就係新人婚照打卡熱點之一，白色婚紗禮服係高兩米嘅紅磚牆身映襯之下靈舍特出，而且廣場上嘅白鴿仲可以幫手客串添！

泰國婚禮手續簡便
提提大家，香港法律承認係泰國舉行嘅合法婚禮，只需以下4個步驟，大家就可以去泰國成婚啦！首先將新人雙方單身證明記錄及香港特區護照進行法律公正，並翻譯成泰文版本；之後經泰國領事館駐香港辦事處批核；然後，將以上文件送到婚禮地點（如：新人預訂嘅泰國酒店)，繳交合法婚禮登記費，便可到泰國進行合法婚禮；最後，當新人返回香港後只需填妥香港入境處「ROP18變更登記事項通知書」交回入境處即可，無需在香港再進行結婚儀式。

即睇更多泰國結婚勝地

特約資訊