海外婚禮「泰」精彩:本土度假勝地華欣
13 July,2018
Click Thumbnails to Enlarge

跟團或者自由行去泰國,第一次通常都會選擇曼谷、清邁兩大熱點。其實曼谷旁邊仲有一個泰國當地人嘅度假勝地華欣。既冇太多外國遊客同你爭,又唔會過於商業化,可以充分感受泰國本土度假模式。最重要嘅係,旅行之餘,你可以同時進行婚禮,一舉兩得!

皇室欽點度假村
華欣位於曼谷南部約200公里以外,市內擁有國家公園以及風光優美嘅海岸線,而且全年氣候宜人,每日平均氣溫25-29攝氏度,所以吸引唔少泰國當地人前往度假,甚至連泰國皇室都欽點華欣作為避暑度假地,認真巴閉。

由於遊客較少,係華欣舉行婚禮相對更加private,而且形式選擇亦豐儉由人,海邊婚禮,泰式傳統佛教婚禮……每一種都係香港無法提供嘅獨特回憶!

華欣有個小希臘
覺得泰國風情唔夠喉?華欣仲有個小希臘!坐落於華欣七岩附近嘅Santorini Park聖托里尼遊樂園,可以住可以玩,距離市區只需30分鐘車程。整個樂園以希臘聖托里尼島為藍本設計,園內有一個標誌性摩天輪,極其搶眼。加上大量藍白色希臘風格建築,真係仿佛去咗愛琴海一樣,絕對係婚照打卡朝聖地!新人上午可以先去樂園影上半場,然後直落去華欣沙灘捕捉黃昏完成下半場,晚上再返回樂園休息順便係摩天輪燈光下selfie放閃。一個地點兩種婚照風格,朋友唔知分分鐘以為你去兩個地方拍攝,非常抵玩!

泰國婚禮香港同樣合法
除咗小希臘,華欣仲有多個具異國特色嘅景點同教堂,成為近年香港新人最喜愛嘅婚禮地點。根據香港法律,港人在泰國進行婚禮儀式同樣受香港法律保障。而泰國政府亦已經將合法婚禮程序簡化,手續簡便。去華欣旅行結婚兼蜜月,無論係二人世界抑或親友同行,都十分適合,籌備梗婚禮嘅大家會唔會考慮一下呢?

即睇更多泰國結婚勝地

特約資訊