香港人去泰國，愈來愈愛發掘新玩點，正如南部小城「喀比」，淳樸民風同天然海岸線，成為新興度假天堂。如你從未踏足此處，或者已經初探此地風光，都推介你在喺結婚大日子，遠離大城繁囂，踏足喀比體驗一場慢活婚禮！

動靜皆宜，奇石與海岸互相輝映
喀比應該怎樣去？以往要從曼谷轉乘泰國航空、曼谷航空前往(航程約1.5小時)；或從布吉乘車前往(車程約2小時)。去年亞洲航空開通了香港直飛喀比航線，航程約3小時，每星期三班機，讓新人有更多時間探索喀比的奇岩怪石同周邊海島。新人在此結婚，真正做到山盟海誓。婚後蜜月之旅，除咗享受陽光與海灘，仲可以體驗攀石樂趣，無論係海邊還是山頂，都係觀賞日落、自拍打卡嘅最佳地點。

世外桃源，稀有溫泉瀑布及翡翠池
去泰國浸溫泉？唔係講笑，喀比係泰國少數擁有天然溫泉嘅地方，更有難得一見嘅溫泉瀑布！Namtok Ron全天然溫泉瀑布水溫約40度，微暖啱啱好，睇得浸得玩得，認真過癮。溫泉附近仲有一個叫Sa Morakot嘅翡翠池，新人可以安排同日前往，水質清澈，碧綠見底，令人按奈不住，立即下水暢泳！

海鮮放題，平靚正任食唔嬲
正所謂「靠海食海」，喀比作為沿海城府，當然漁獲豐富。不但品種選擇多，而且物美價廉，就算每日食海鮮放題都冇有怕！市內仲有兩個夜市，其中Chao Fah Night Market位於碼頭附近，充滿街頭風味，咖喱炒肉蟹更加係必食推介，連泰國政府旅遊局香港處長都話一定要試。

手續簡便，四步成婚
自2014年起，泰國政府已經將合法婚禮程序簡化，只需要4個簡易步驟，新人就可以舉行婚禮，而且婚禮儀式同樣受香港法律保障。
步驟一：新人雙方的單身證明記錄及香港特區護照進行法律公正，並翻譯成泰文版本。
步驟二：經泰國領事館駐香港辦事處批核。
步驟三：將以上文件送到婚禮地點（如：新人預訂嘅泰國酒店)，繳交合法婚禮登記費，之後便可到泰國進行合法婚禮。
步驟四：當新人返回香港後只需填妥香港入境處「ROP18變更登記事項通知書」交回入境處即可，無需在香港再進行結婚儀式。

泰國婚禮選擇多，同步蜜月性價比更高
喺泰國舉行婚禮選擇非常多，又因為泰國係佛教國家，除咗係海邊舉行戶外婚禮或係教堂舉行西式婚禮，亦可以採用傳統泰式婚禮。一般來講，簡單嘅泰式婚禮由僧侶主持，在廟宇中進行儀式，會有音樂樂手助慶，亦會包含向僧侶捐獻食物同放生小鳥儀式，非常別開生面，亦好受香港人歡迎，相信會令大家畢生難忘。

即睇更多泰國結婚勝地

特約資訊