布吉，泰國南部最大島嶼，亦係著名旅遊點之一，絕對可以用「藍天白雲、椰林樹影，水清沙幼」嚟形容呢個人間天堂。布吉亦係一個結婚勝地，新人喺一望無際嘅湛藍海洋前締結婚盟，並踏上浪漫又熱情嘅蜜月之旅！

180度海景教堂
布吉蜿蜒曲折嘅海岸線，有好多海景Resort同教堂俾新人舉辦婚禮。The Shore At Katathani 係其中一個別具特色嘅白色教堂，可180度欣賞安達曼海無際海景，新人亦可租用教堂連私人派對房，舉辦私隱度極高嘅婚禮派對。

體驗泰式傳統婚禮
除一般西式婚禮外，新人喺布吉可入鄉隨俗，安排舉行泰式婚禮，體驗與別不同嘅儀式。新娘會著上紗緞製成嘅泰式裙，梳上特有傳統髮型；新郎則身穿緞面泰式上衣、白色褲，效果會非常端莊得體。

古城尋味 潛入繽紛水世界
完成婚禮後，唔好錯過布吉兩大玩意──走進舊城尋美食，以及潛入夢幻水世界。 布吉舊城喺2015年獲選為聯合國教科文組織轄下創意城市「美食之都」，新人可走進老房改建而成嘅特色食肆，品嚐來自中國及東南亞地區嘅多元化美食；或者遊走具殖民地色彩嘅街道、小店，尋找特色工藝品留念。

去得布吉，點可以唔落水呢？斯米蘭群島(Ko Similan)擁有潛水天堂美譽，由9個小島組成，每個小島各具特色。例如面積最大嘅8號斯米蘭島，可登山居高臨下欣賞島上風光、岩石奇觀，更可以潛入水中探索珊瑚礁、熱帶魚、海龜，甚至有機會見到鯨鯊！

立即去片，感受布吉浪漫婚禮之旅：

想了解更多，請按此觀看足本影片

即睇更多布吉旅遊資訊：
Love's On by EGL
Wincastle Wedding
Hong Thai Travel
Sun N Sea Weddings

泰國婚禮知多啲
港人近年熱衷到泰國舉行海島婚禮，有見及此，泰國政府亦已經將合法婚禮程序簡化，只需要4個步驟，就可以結婚蜜月一take過搞掂！而且泰國進行婚禮儀式同樣受香港法律保障，返香港唔需要再補辦婚禮架，真係唔洗煩超方便啊！

即睇更多泰國結婚勝地