蘇梅島，泰國第三大島嶼，現已成為泰國最受歡迎島嶼旅遊地點之一。蘇梅擁有優美自然環境，眾多水清沙幼嘅海灘（如Chaweng海灘、Lamai海灘、Bo Phut海灘及Mae Nam海灘）。而近海珊瑚礁和潟湖、島上瀑布亦非常出名。由於旅遊業係島內主要經濟支柱之一，所以有大量星級品牌前往蘇梅開設酒店，可以為新人提供婚禮及蜜月套餐服務。

水天一色，婚禮場地選擇多
蘇梅水質清澈，沙質細膩，海灘婚禮自然是熱門之選。但除此之外，蘇梅仲有非常多酒店、私人別墅等婚禮場地可供選擇。部分場地置身於蒼翠熱帶園林之中，或者座落山頂私人莊園內，可以俯瞰泰國海美景，盡攬水天一色，氣派不凡。

市場推動，婚禮服務愈趨完善
由於市場需求，泰國婚禮近年發展已經非常成熟，以蘇梅為例，好多酒店都有專業人員提供婚禮策劃服務，新人於酒店內足不出戶就可以完成婚事，更唔使費神係場地安排等各種疑難問題上，同賓客邊食邊玩邊歎之間，婚禮早已經安排妥當。

本島外島遊，各有千秋
舉行婚禮之餘，新人可以趁機係蘇梅度蜜月。蘇梅本島大部分景點都位於東面，所以非常適合觀賞日出，齊齊打卡。環島遊亦只需3小時，新人一日內可以輕鬆駕馭。蘇梅附近亦有80幾個外島，各有特色，其中龜島、南緣島及帕安島尤其以佢地嘅無添加自然環境同清澈蔚藍碧海而聞名，而且呢一帶嘅海底蘊藏咗豐富嘅珊瑚同魚群，所以外島遊同樣精彩。

泰國婚禮獲香港法律認可
自2014年起，泰國政府已經將合法婚禮程序簡化。港人前往泰國成婚，同樣受香港法律保障，而且性價比非常高。如果計劃前往泰國結婚兼蜜月，蘇梅又會唔會係你心水之選？

即睇更多泰國結婚勝地

特約資訊