講起日本結婚，沖繩嘅海邊教堂超浪漫、輕井澤自然氣息最濃厚、東京食住玩都好方便，係就係各有各特色，但如果你想搵個更有gimmick嘅新興結婚勝地，小編推介你去靜岡，喺富士山嘅見證下許下婚盟吧！睇埋以下嘅靜岡婚禮Q&A，即時計劃你哋嘅難忘靜岡婚禮。

Q：靜岡婚禮場地有咩選擇？
A：你可以喺教堂舉辦婚禮。靜岡好多酒店都有婚禮服務，例如富士山下嘅Nippondaira Hotel，有埋自家教堂，喺富士山襯托下舉行婚禮及婚宴。

Q：靜岡有咩靚景？
A：靜岡有數之不盡嘅靚景，部份更有愛情傳說，小編精選推介如下：

1. 富士山：唔使多講，喺呢個日本第一山下影相，每張相都好似畫咁靚！

2. 戀人岬：岬上有個「戀愛之鐘」，相傳一邊叫伴侶個名，一邊敲鐘三次，就可以一直幸福落去。

3. 奧大井湖上駅：日本唯一一個喺湖上嘅火車站，站內有個可以呼喚幸福嘅Happy Happy Bell，並可掛上愛情鎖，許下你倆愛的承諾。

4. 河津町：每年1月中至2月中，有「日本第一櫻」之稱嘅河津櫻搶先開花，8,000棵櫻花綻放，影相一定靚到暈！

5. 伊豆半島溫泉：靜岡最南面嘅伊豆半島，係著名海邊溫泉鄉，包括熱海溫泉、伊東溫泉及浮山溫泉等，你可以同另一半選擇望著無際海景，或欣賞富士山景色。

Q：靜岡有咩食？
A：靜岡縣盛產海產同農作物，用新鮮漁獲製作壽司美味無窮，更為遊客而設手握壽司體驗。農作物嘅代表有抹茶、草莓、蜜瓜同山葵Wasabi等，特別係靜岡縣名物山葵，可以即磨Wasabi、炮製山葵漬物，甚至製成山葵味雪糕！

Q：靜岡點樣去？
A：靜岡位於東京同大阪之間，可選擇先飛東京或名古屋，轉乘新幹線前往靜岡縣主要城市：

- 靜岡：東京/名古屋乘搭新幹線Hikari號，車程約1小時。

- 熱海：東京乘搭新幹線Kodama號，車程約45分鐘。

- 浜松：名古屋乘搭新幹線Hikari號，車程約半小時。

- 富士市：東京乘搭新幹線Kodama號，車程約65分鐘。


此外，靜岡縣係「櫻桃小丸子」嘅故鄉，你會喺靜岡市內遇上小丸子電車，車廂內外同座椅都充滿小丸子元素，更由小丸子擔任車站廣播。電車全程需時21分鐘，等你慢慢欣賞市內風光，終點站「新清水站」內有櫻桃小丸子樂園，將動畫中嘅小丸子世界帶到現實。

Q：邊度買package最抵？
A：日本婚禮商戶WATABE WEDDING，係日本婚禮嘅權威，喺香港設有直營店，幫新人代辦海外婚禮。WATABE WEDDING最近推出靜岡婚攝及婚禮方案，想知更多，立即查詢：

WATABE WEDDING
地址：香港中環威靈頓街33號The Loop 12樓
電話：2501 0090
Email：hk.info@watabe-wedding.com.hk

瀏覽網頁 >

Facebook@Watabe Wedding HK

資料由Watabe Wedding 及靜岡縣觀光協會提供