點玩法:

-分三條不同顏色,不同設計的絲帶各牽住不三樣不同的物件(取其三三不盡意思).

所牽的東西可因應新娘和新郎哥的喜好而放相關物件.
-要新郎哥選擇其中一條絲帶,每選一條就要因所牽住的物件和紙條做該紙條所寫的事.


-絲帶一端放遊戲組姐妹手上,待新郎哥選絲帶來玩遊戲,另一端當然係放入門隙中並綁上物品,所以絲帶要預番一定的長度,當日每條約2m至3m長度.

-並聲稱當中一條絲是牽住新娘子的手,拉到那條咁lucky就不用玩任何遊戲,直接接新娘走:)
-事實又點會咁呢.唔玩吓新郎哥又點算接新娘噃,大家話係咪!!??
時間夠--->玩完晒,記得收開門利是先之放佢入屋,跟住玩埋愛的宣言獨白或其他遊戲就啱啱好.
如果時間唔夠--->姐妹們就要手下留情,要吹水說其中一條絲帶係拖住新娘子的手,收埋開門利是放佢入去.
記得:每玩完一個遊戲問吓新娘子滿唔滿意,先到下一關,咁會熱鬧好多,讓佢地1對新人互動吓.
好處:呢個遊戲的發揮和創意可以好大架,又有彈性,是度身訂造的遊戲.希望大家實踐吓.好好玩架!


以當日實戰為例,所用的三樣物件如下:
1)喜鷄公仔一隻:
-鷄冠取其紅運當頭,造型攪笑,喜鷄用來玩遊戲係不錯的選攞.
由於新娘子個花名叫"亞鷄",所以選用喜鷄一隻(注意:大大"喜"字貼係物品上,取其喜慶洋洋意思)
(可以因應其花名或姓氏,名字的相關物品,當然搵d越攪笑的嘢越好,例如,妹豬用豬公仔,姓李用"梨子",姓招用成梳"蕉"等.用紅絲帶將隻鷄綁係新郎哥心口度,叫佢做掌上壓50下.
當日大家見隻鷄一出都即刻笑,因係新娘子個花名嘛.


2)毛冷球+毛冷針做的mic一支:
發揮少少創意,簡簡單單用織冷衫用的冷針拮左一舊紅色的毛球度就可以做支好浮誇的mic(可用小朋友零食玩具mic代替或用屋企唱卡拉ok的mic又得或d.i.y.)
叫新郎哥拿住支mic唱番支冧新娘子的歌.還要大大聲得來有感情,要好似超級巨聲的參加者咁,唱到感動到新娘子先收貨.
當日新郎哥係愛唱K一族,唔駛吩咐佢,佢自己都搶咪唱左羅記的"壞情人",還要擺埋羅記經典用手係個mic外圍打圈的post,好好笑架.姐妹又點唱"怪你過份美麗",來讚美新娘子.


3)"揩烚烚"的清潔海綿一舊或鞋刷(取其共"諧"連理)
新郎哥用咀吸住件海綿咀對咀與兄弟互傳,考驗吓大家一場好兄弟的合作精神.


p.s.遊戲標題-娶"咩"-攻心計(喻意:新郎哥攻陷新娘子的芳心娶得美人歸),個"咩"字係放咩入去都得,發揮大家的創意和攪笑本色.可考慮用吓hits劇名或戲名,節目名,大家的認同感又會大d,識得笑的機會又多d.