女生也要注意!6個秘訣打造難忘求婚回憶

女生也要注意!6個秘訣打造難忘求婚回憶
絕大多數女生都認為,求婚是男人嘅事,能唔能夠成功,好多時就要睇男友有幾用心準備。但講到底,求婚始終係兩個人共同擁有嘅重要人生moment,作為女生,心理上都要準備或預演下,萬一「被求婚」要點做,與另一半締造一個終身難忘、珍重一生嘅求婚回憶。
男生注意1:尋找合適時機
如果想俾女朋友驚喜,喺佢唔知情嘅情況下求婚,請先充分了解另一半嘅喜好:佢會希望有親友見證呢個重要時刻,還是覺得呢個special moment只有你哋兩個人就已經足夠呢?
男生注意2:準備合尺寸求婚鑽戒
新娘YoYo 話一隻合尺寸嘅鑽戒好重要,萬一買細咗或買大咗都好尷尬,會破壞咗呢個浪漫回憶。YoYo問返老公點解佢會買到一隻合尺寸嘅鑽戒:「佢話留意過我隻中指同佢隻尾指差唔多大細,所以買戒指時就用自己隻尾指去度尺寸。」真係好細心呢!
男生注意3:女友素顏時切忌求婚
唔好喺新娘子無打扮嘅 情況下求婚,畢竟要影相留念!
女生注意1:唔好俾壓力另一半!
新娘Ivy514hk提醒大家,其實求婚只係婚姻中嘅第一步,雖則重要,但佢喺未來嘅日子對你專一,比起一個完美嘅求婚儀式更為關鍵。
女生注意2:要懂得欣賞細節位
新娘vivi716認為最重要嘅係對方主動準備求婚嗰份誠意,佢睇咗成100粒鑽石先揀到呢隻求婚戒指。由呢啲細節已經感覺到佢係真心想永遠同我係埋一齊,呢份心意先係最令人感動!
女生注意3:未求婚先籌備婚禮,女生好蝕底?
好多人會執著求婚與籌備婚禮兩者的次序,可能朋友都會話「佢都未求婚,你就搞婚禮,咪好蝕囉?」

新娘子happy401就咁睇:「我深信在對的時間遇到對的人,婚,就要結了。當然千萬不要為了結婚而結婚,要為了那個對你好、愛你的,而你又想與他相處下半輩子的而嫁,千萬不要因為閨蜜都結婚了而結婚!」

Text_Fanny(Editor's Blog)