主頁 > Others > 婚禮實用資料

結婚當日最易遺漏的5個細節！

撰文: Edith Yuen 於 2019-04-14 01:30 187827 次觀看

data_article_detail.is_new_Slide_show = False

大日子最後checklist! 講緊嘅係以下5樣item，無咗佢哋，分分鐘賓客知道你哋蝦碌出錯，更嚴重嘅有機會結唔成婚！

更多準新人結婚資訊：
【婚享同學會：「Big day rundown」分享】
【婚享同學會：每月精彩貼堂好Blog】

結婚戒指

結婚戒指應由男方保管，不過新郎都係大頭蝦，臨march in/ 註冊先發現冇帶戒指，一定激死新娘子！聽過有已婚朋友要即場脫下戒指借用，非常狼狽。

身份證

結婚戒指尚可借用，但身份證就萬萬不可，無咗佢真係婚都結唔成，神仙難救。一對新人當日無手袋跟身，加上要更衣，真係有機會整唔見。建議一早交給父母或伴郎伴娘保管最為穩妥。

花球

如果只係準備一個花球結婚，咁就一定要小心。通常呢個花球都係由新郎哥keep，大日子早上拎住去迎親。不過男人對花球實在唔上心，有新郎試過臨到女家門口先被攝影師提醒，結果要派兄弟回家再拎。如果被新娘發現自己揀咗咁耐嘅花球在big day消失，真係有排嬲呀！

利是

婚禮上最重大嘅金錢交易，如果唔見咗/唔記得帶，真係臨時封都封唔切！早一日分發俾父母保管，婚禮當日再提點，減低出事機會。按此即學婚禮利是分類法

夾萬內的貴重物品

婚禮快完，唔好以為一切順利，開開心心走人。記得行多轉新娘房，check埋夾萬，睇睇金器首飾、人情利是係咪都拎走晒，免得婚禮「大出血」。

Text_Fanny

更多準新人結婚資訊：
【婚享同學會：「Big day rundown」分享】