主頁 > 婚禮籌備 > 喜帖

Office派帖7大地雷位

撰文: Randy Yoong 於 2019-06-10 01:18 256777 次觀看

喜帖

data_article_detail.is_new_Slide_show = False

講到派帖，唔少新人都嗌頭痛，更糾結應唔應該請上司、同事及下屬！的確，office派帖大有學問，要兼顧辦公室政治之餘，又要怕俾人唱，又怕得失人，真係請又死，唔請又死，派「炸彈」變炸親自己！

1. 上司與管理層
唔少新人都頭痛應唔應該請老細去飲。小型公司裡，可能無太強階級觀念，邀請老細出席唔成問題；至於中大型集團，新人可根據自己階級，只邀請上司及部分相熟管理層出席觀禮或晚宴。

2. 下屬
大家都做過下屬，最怕去俾面Party，甚至被安排與其他部門主管同一枱，真係去飲如返工，咩都就住就住，慘慘豬！作為上司，不如考慮改請下屬觀禮，部門主管及管理層則出席婚宴，避免大家碰頭。

3. 同部門同事
呢個真係走唔甩！新人通常都會請同部門同事出席婚禮。不過，要是你只打算舉辦小型婚宴，無打算邀請同事，但又怕得失人，可以改為邀請觀禮，同事人情又可以包少D，又能見證你的幸福，皆大歡喜！

4. 不同部門的同事
同隔離team平時有合作開，但撇開工作，平日頂多是hi bye friend，咁啱見到傾幾句，微波爐排隊叮飯先見到，咁不如唔好請。當然，為打好關係，扮世界friend，新娘都派下餅卡分享喜悅。

5. 對新入職同事
返新工就要俾$800做人情，猶如未見官先打八十，認真肉痛！新同事為了「埋堆」只能笑住恭喜，實質嬲到你死，從此埋下仇怨種子。但將心比己，你都唔會想一轉新工就要俾人情卦？

6. 自己轉新工
尚未摸熟同事性格，一報到就派炸彈，肯定「遺臭萬年」！分分鐘會在你背後議論一番！作為新同事，都係派餅好過派帖！

7. 舊同事
轉過N份工，同舊同事幾乎唔見面，有部分亦只靠whatsapp吹水、傾下舊公司是非。呢個情況下，大家都係酒肉朋友，無謂專登約出嚟派帖啦！

Text_Fanny （Editor's Blog）