入手嫁妝前必知5件事

入手嫁妝前必知5件事
嫁妝代表至親對新娘子嘅祝福,有四大長老陪同你一齊揀金器及埋單,絕對係你嘅福氣。之不過,買金器唔止要睇價錢,最重要係夠眼光同細心,以下嘅要注意事項嘅checklist,各位新娘子要細讀喇。

產品提供:周生生
1. 有閨蜜陪你去睇金飾,大家年紀相近,眼光當然較一致。但要記住最終埋單嘅始終係四大長老,所以要尊重老人家意見,一邊陪佢哋行多幾次珠寶店,一邊自己睇實金價走勢,趁低入手,幫佢哋慳荷包!

圖:周生生 生生有囍龍鳳篇系列
2. 由於Big Day當日金飾主要係配裙褂、旗袍及紅色敬酒晚裝,為咗能夠模擬 Big Day當日造型配襯效果,建議新娘子試金器當日,著紅色系衣服,最好係圓領及設計簡單,務求盡量試真D金器同自己有幾襯。

圖:周生生 生生有囍花卉篇系列
3. 根據傳統,至親要為新娘準備「四飾金」做嫁妝,即項鏈、手鐲、耳環、金戒指各一。新娘子可以自由配搭金飾,又或者可以考慮珠寶店預先配搭好嘅系列。

圖:周生生 生生有囍花卉篇及龍鳳篇系列
4. 而家嘅龍鳳鈪,款式多變化、設計新穎,唔好話新娘,可能連長老都未必識得戴。呢個時候,千奇唔好貪快自己嚟!因為龍鳳鈪較薄身,部分又係「扭較款」,戴除都要有技巧,最好搵珠寶店職員幫手。

圖:周生生 生生有囍龍鳳篇系列
5. 揀好心水嫁妝後,記得向職員取經,學習每款金飾嘅戴除方法,尤其係龍鳳鈪,唔同款都有唔同嘅開合設計。當珠寶店職員示範時,新娘子最好拍片,方便share俾負責金飾嘅姊妹參考。

即睇:龍鳳鈪開合教學

圖:周生生 生生有囍龍鳳篇系列

更多婚飾選擇及貼士,盡在幸福出嫁手記