紅色晚裝配份量十足嘅金器，可以話係敬酒指定dress look，但係婚禮之後，金器就要鎖喺夾萬，無咩機會再佩戴。不如試下設計精緻嘅珠寶首飾，配紅色晚裝，效果同樣令人眼前一亮，平日仲可以作日常穿搭！即去婚紗店實地睇睇，新娘子點樣Mix & Match。
![紅色晚裝點襯好？精緻首飾Mix & Match]()
一字肩魚尾 x 紅寶石首飾
呢套一字肩魚尾晚裝，最啱身材高佻、具骨感美嘅新娘子，紅色骨花同法國厘士造嘅荷葉邊，令晚裝更有立體感。連素來識得打扮嘅凱特王妃，亦都喺派對中穿過類似嘅晚裝，新娘子不妨偷下師，即刻貴氣盡現！
![紅色晚裝點襯好？精緻首飾Mix & Match]()
紅色晚裝配紅寶石首飾，原來可以零違和。新娘子揀咗紅寶石首飾，呢套珠寶以白金同碎鑽，襯托一粒紅寶石，非常搶眼。此外，呢套手工精巧嘅首飾，喺新娘子白晳肌膚上更見立體感，同晚裝嘅荷葉邊設計有異曲同工之妙。
圖：周生生18K白金紅寶石吊墜、戒指及耳環
![紅色晚裝點襯好？精緻首飾Mix & Match]()
V領A-line x 黃金瑪瑙首飾
至於有少少肉地嘅新娘子，最啱揀套較為鬆身嘅A-line晚裝，可以掩飾肩部同小肚腩。加上V領設計拉長頸部線條，令新娘子睇落slim啲。
![紅色晚裝點襯好？精緻首飾Mix & Match]()
好不容易揀到套掩飾微胖身材嘅晚裝，如配襯大大件金器，真係有啲反效果。識揀嘅新娘子，揀套造型小巧嘅黃金瑪瑙首飾，拉絲黃金配方型紅瑪瑙，充滿時尚感而不累贅。而又長又幼嘅頸鍊，感覺清新，突出新娘子頸部修長線條，睇落去仲瘦啲添！
圖：周生生g*系列999.9黃金瑪瑙頸鍊、耳環及手鍊
![紅色晚裝點襯好？精緻首飾Mix & Match]()
露背旗袍 x 花系金飾
試咗時尚look，今次新娘子換上優雅造型。呢套充滿古典美嘅旗袍款晚裝，盡顯新娘子線條美，又唔怕太性感，四大長老100%接受得到！而企領設計同混色厘士面料，更可提升立體感，每一步都展現新娘子美態。
![紅色晚裝點襯好？精緻首飾Mix & Match]()
古典美晚裝，梗係配簡約時尚嘅金器，平衡一下整體造型。新娘子揀咗周生生「生生有囍」金飾系列，耳環以四葉草為靈感、頸鍊及手鍊融入果實花紋及藤蔓元素，簡約清新，同旗袍上嘅花卉厘士如出一轍。圓型頸鍊配企領晚裝，係出席莊重盛會嘅不敗組合！
圖：周生生「生生有囍」「花卉篇」999.9黃金耳環、「簡約篇」999.9黃金頸鍊及手鍊
![紅色晚裝點襯好？精緻首飾Mix & Match]()
露背魚尾 x 獨特啡鑽
想展現引以為傲嘅美腿，晚裝唔使花巧，簡約嘅高腰魚尾款式，足以令新娘子睇起嚟再高一截！新娘子特別揀咗大V背皺褶款式，增加少少立體感，成功掩飾較為單薄身型。
![紅色晚裝點襯好？精緻首飾Mix & Match]()
為咗match呢套晚裝，新娘子可以聰明地選配顏色獨特，但係一樣咁閃嘅Kashikey啡鑽首飾。呢個啡鑽系列出自日本工匠細緻工藝，以32種天然色澤啡鑽配搭啡金，同紅色晚裝出奇地相襯，但又唔會搶去鑽飾焦點，非常有個人風格！
圖：周生生Kashikey系列18K啡金啡鑽戒指、耳環、手鐲及「Mill」18K啡金啡鑽頸鍊
鳴謝
服裝及場地：Kir Royal Ltd
攝影：Siu Ming from Siuming.photo
化妝：Zndy
模特兒：Hera
特約資訊
更多婚飾選擇及貼士，盡在
幸福出嫁手記
婚享同學會
婚禮商戶指南
