不是婚禮限定！婚嫁金器日常配搭Tips
撰文: Edith Yuen 於 2018-04-06 01:01
23823 次觀看
data_article_detail.is_new_Slide_show = False
一提婚嫁金器，好多人立即聯想到 「金豬牌」、「龍鳳鐲」，係長輩人嘅心意，雖然係得體又夠份量，但新娘只有婚禮當日先戴到，日後無咩機會用得著。其實，今時今日，婚嫁送金器仲有好多light得嚟又得體嘅選擇，無論係婚禮及日常配戴都咁match，等你每日都可以戴住親友嘅祝福！
![不是婚禮限定！婚嫁金器日常配搭Tips]()
金豬牌、黃金頸鍊有「連生貴子」寓意，係襯裙褂嘅必然首選，但就真係名符其實「婚禮限定」，用於日常打扮配襯嘅可能性實在係0%。唔想金頸鍊塵封保險箱不見天日，不妨考慮圖中呢條黃金配紅瑪瑙長頸鍊，迷你正方體串飾可愛時尚，婚禮當日配上圓領敬酒晚裝及旗袍，有格調又有特色，平日返工襯one piece 淨色連身裙，就已經好優雅。
如果選擇V領晚裝，另一款紅瑪瑙小方塊吊咀，清清哋，但反而更能突出新娘子雪白肌膚，穿deep V 晚裝仲可以show埋性感事業線添。
圖：周生生g* COLLECTION 999.9 黃金瑪瑙頸鍊
![不是婚禮限定！婚嫁金器日常配搭Tips]()
呢隻型格嘅黃金瑪瑙戒指搶眼，手捧花球時一定成為攝影師鏡頭下嘅主角。由於左手中指戴咗訂婚戒指，建議新娘將呢隻黃金瑪瑙戒指戴喺右手，咁就唔怕搶走鑽戒風頭。
圖：周生生g* COLLECTION 999.9黃金瑪瑙戒指
![不是婚禮限定！婚嫁金器日常配搭Tips]()
見到呢條精緻嘅黃金瑪瑙手鍊，小編都「嘩」一聲！大愛呀！除咗白色婚紗外，粉橙、粉黃、香檳金等同系迎賓晚裝同樣襯到絕。平時去街，唔覺意露出纖幼嘅手腕時，都係show off好時機。
圖：周生生g* COLLECTION 999.9 黃金瑪瑙手鍊
![不是婚禮限定！婚嫁金器日常配搭Tips]()
婚禮唔一定要金光燦爛，鬥搶鬥閃。有時簡簡單單，一抹自然妝容配一對低調而亮眼嘅耳環，反而更能彰顯新娘獨特個人氣質及品味，令賓客留下深刻印象。呢對黃金瑪瑙耳環小巧迷人，subtle得嚟又有個人特色，絕對係年輕新娘嘅型格之選。
圖：周生生g* COLLECTION 999.9 黃金瑪瑙耳環
![不是婚禮限定！婚嫁金器日常配搭Tips]()
依家流行串飾手鏈，自由搭配心水串飾。呢個「愛情系列」足金雙囍串飾充滿婚嫁氣氛，另一款「可愛系列」足金心形串飾就夠別緻。姊妹們一於送返條俾新娘，等佢時刻戴住呢份心意啦。
圖：周生生Charme 「愛情系列」及「可愛系列」足金串飾
![不是婚禮限定！婚嫁金器日常配搭Tips]()
黃金保值，鑽石永恆，兩者都係女人最愛，唔少長輩都爭扎要送金定送鑽石。Why not both? 呢隻18K黃金鑽石手鐲就一次過滿足曬你嘅要求！婚禮當日，一件純白jumpsuit加上呢隻D字形嘅手鐲，入型入格。即使平日返工，配上呢隻超有份量嘅手鐲，舉手投足都散發出女強人氣息。
圖：周生生Daily Luxe 18K黃金鑽石手鐲
更多婚飾選擇及貼士，盡在
幸福出嫁手記
婚享同學會
婚禮商戶指南
