送金器論輩分 揀金器前的必修課
撰文: Sunnie Wan 於 2023-06-25 11:17
415443 次觀看
data_article_detail.is_new_Slide_show = False
結婚唔單止一對新人開心，對一眾親戚家人嚟講亦係家族喜事。好多長輩都會贈送金器俾新人，代表一份祝福，亦象徵著婚禮主人家嘅排場。按照輩分，唔同嘅長輩應該贈送什麼金飾先最恰當？就等小編為你詳盡介紹，仲會講解埋佩戴金器時需要注意嘅地方。
![送金器論輩分 揀金器前的必修課]()
金豬牌可算係新娘出嫁時必戴嘅其中一樣金器，傳統上男家父母會贈送金豬牌俾新娘，寓意「開枝散葉」。不過金器講到尾都係一份心意，有唔少女家父母都會贈送金豬牌俾女兒作嫁妝。
金豬牌適合配搭任何裙褂，而款式通常都係一隻大豬，下面連住一排小豬，有「兒孫滿堂」嘅含意。好似呢款一隻大豬下面餵哺著5隻豬仔，一共6隻豬，代表「六六無窮」，非常吉祥，造型亦十分精緻可愛，有別於一般誇張傳統的設計。
圖：周生生 生生有囍「喻意篇」 999.9黃金頸鍊
![送金器論輩分 揀金器前的必修課]()
除咗金豬牌，男女家嘅父母都會贈送龍鳳鐲俾新娘，取其「龍鳳呈祥」之意。揀選龍鳳鐲都大有學問，除咗係一份祝賀，都突顯到送禮人嘅品味和眼光。結婚當日，所有親戚送嘅金器都應該全部帶曬上身，攞足意頭之餘，亦夠睇頭。但要注意，佩戴嗰時要按照龍鳳鐲嘅粗幼排序，先戴最幼身嘅龍鳳鐲，最粗身嘅龍鳳鐲喺最上方就至為洽當。
特別值得一提嘅係，全人手精雕細琢嘅「九龍金鐲」款式圓潤飽滿，龍鳳雕琢浮雕設計非常富立體感，手工精湛，儼如一件唯美嘅藝術品，戴上手甚有睇頭。你可能會問點解要有九條龍咁多，因為九與「久」同音，取意長長久久、吉祥圓滿， 十分適合作為婚嫁飾物及賀禮，因而被視為婚嫁手鐲中嘅非凡傑作。
除咗重量級嘅龍鳳鐲，新人亦可選擇較輕巧、通花設計嘅龍鳳鐲，層次感豐富，喜慶得來又不失時尚。
圖：周生生 生生有囍「龍鳳篇」999.9黃金手鐲
![送金器論輩分 揀金器前的必修課]()
龍鳳鐲永不嫌多！相熟嘅長輩有時都會贈送龍鳳鐲俾新娘，最好新娘手上有五對龍鳳鐲，取其「五福臨門，婚姻圓滿」之意。贈送龍鳳鐲俾新娘嘅時候，記住要買一對 「成雙成對」；而當日幫新娘佩戴龍鳳鐲嘅姊妹要留意，是「左龍右鳳」，左右手不可調亂啊。
鍾意款式新穎特別又不失睇頭嘅龍鳳鐲，可以揀呢款，特別在分開係龍與鳳，兩隻拼埋會砌成一個心形，寓意「心心相印」，好有意思。
圖：周生生999.9黃金手鐲
![送金器論輩分 揀金器前的必修課]()
近年婚嫁金器趨向現代感設計，除咗龍鳳鐲，有花開富貴含意嘅花系金飾亦大受歡迎。好似呢個Set款有齊頸鍊、手鍊、戒指同耳環，唔使自己再配搭，咁就一定無閃失啦。精緻嘅花瓣和葉子造型，配襯露肩晚裝令花形細節更突出；顏色方面可以選擇酒紅色、香檳色、金屬色、芥辣黃、墨綠色晚裝；髮型方面可以考慮自然地hold起長髮，讓耳環成為焦點所在，突顯新娘子臉形及頸部輪廓，性感且嫵媚。
圖：周生生 生生有囍「花卉篇」999.9黃金頸鍊、手鍊、戒指、耳環
特約資訊
更多婚飾選擇及貼士，盡在
幸福出嫁手記
婚享同學會
婚禮商戶指南
