5個買求婚戒指注意事項

data_article_detail.is_new_Slide_show = False
5個買求婚戒指注意事項
要求婚大作戰成功,除咗誠意、心思,一隻求婚戒指更係關鍵。然而,好多男士喺選購求婚戒指嘅時候,真係拉牛上樹一樣,無從入手,唔識點揀。各位男士,不妨參考以下5個買求婚戒指注意事項,要另一半say I do 無難度!
1. 唔好單憑自己感覺購買
男士買求婚戒指都有個通病,以為自己鍾意,女友就會鍾意。點知對方收到時面燶燶,想答應求婚,但隻戒指又唔合心,真尷尬。 男士們,請做好資料搜集,如旁敲側擊、向女友閨蜜事先了解女友嘅喜好,例如款式、鑽石型狀等,先再到珠寶店內選購,增加成功機會。
圖:周生生店舖
2. 唔好盲目追求卡數 很多男士認為鑽石越大越好,價值一定越高。其實,即使兩顆鑽石嘅卡數相同,價值都可以相差好遠。除咗卡數,鑽石嘅價值仲取決於 4C 標準中嘅另外三個 C:淨度、成色和切割。集齊4個C,先算完美嘅求婚戒指。
產品:Infini Love Diamond「光環」900鉑金鑽石戒指
3. 揀戒指 唔好搵兄弟陪
男士對於戒指嘅款式無從入手,好多時候會搵兄弟一齊去珠寶店幫眼睇求婚戒指。但男性朋友始終無女仔咁細心,搵個女性朋友、女朋友嘅閨蜜去幫下眼俾意見穩陣好多。
4. 唔好被budget所局限
男士set個budget買戒指,等自己有個底係無可厚非。但到咗真係落舖揀戒指一刻,唔好死守住個budget,有時遇上心水款,覺得女友會鍾意、戴得會靚,如能力許可,即使價錢over少少係值得。人生大事,係無價嘅。
5. 唔好太早於戒指內刻名
男士想花D心思令求婚戒指顯得特別,會想到喺戒指內刻上女友嘅名,但最後,如果戒指size唔啱要改就好麻煩。其實,而家市面上都流行誕生石(birth stone) ,唔同月份有唔同嘅石,有唔同意義,男士可以喺求婚戒指嘅兩邊鑲嵌雙方嘅誕生石,有心思之餘又有意義!

產品:周生生專屬訂製PROMESSA with Birthstone

更多婚飾選擇及貼士,盡在幸福出嫁手記