有人話，為咗所愛嘅人，你會甘願改變、犧牲。從以下3個歌手藝人同摯愛嘅相處嘅故事，你會深深感受到佢哋為摯愛所付出嘅一份認真。

歌手盧巧音 ─ 認真可以由烈女變成溫柔小女人
一向予人烈女形象嘅女歌手盧巧音(Candy)，遇上命中注定的另一半、樂隊Kolor主音Sammy後，從剛強獨立嘅事業女性變成丈夫背後嘅女人，照顧家庭，為咗老公學煲滋潤湯水。Candy話：「以前我比較鐘意企喺台前，但依家因為佢，我好享受喺台後做默默付出嘅角色，例如之前佢開演唱會，我會幫忙設計歌衫，只有佢先可以發掘我咁認真同溫柔嘅一面。」遇上真愛，Candy不求對方為自己改變，反而係改變自己，Candy仲話要多謝老公：「以前我性格比較硬淨，而家就溫柔返少少啦！我要多謝我老公，結婚之後，佢改變咗我好多，由烈女變成小女人！」

商台DJ細So ─ 認真可以成家搬去貝澳
千山萬水，為咗摯愛，亦一往無前。電台DJ細So，為咗令兩個仔多啲接觸大自然，毅然放棄做「城市人」，由熱鬧嘅上環千里迢迢搬入大嶼山。住到咁偏遠，細So每日天未光就要出門返工，入禁區又要辦理禁區紙，諸多不便。朋友都唔明白佢點解要咁大犧牲，細So就覺得「唔係咩犧牲！」佢話：「係少咗一啲方便，但係多咗啲大自然。少咗啲熱鬧，但係多咗一啲寧靜。唯一比較嘈嘅係屋企一家大小嘅笑聲！反而多謝我兩個仔Jack and Max，願意相信我倆，願意同爸爸媽媽認真地玩泥沙。」為咗一頭家，一個男人認真起嚟，真係可以好型！

模特兒Leanne ─ 認真可以令人成熟
樂隊Mr. 鼓手Tom和模特兒Leanne六年前年紀輕輕就結婚，當時唔係好多人睇好。但時至今日，兩口子恩愛如昔，而且堅持以家庭同兒子杜杜行先，成為圈中模範夫婦。Leanne回顧當時嘅點滴：「因為杜杜出世後成長得好快，所以我哋要盡快學做一個爸爸媽媽。其實從來冇一個方程式令你即刻學識做父母，初時我哋都係邊學邊做，當中碰過好多次釘，頭半年係最難適應。過程好艱辛，但反而令我哋兩個嘅關係更加堅固，學識點去聆聽對方。」兩人為咗杜杜，比以前更認真工作，更發展自己嘅小事業，Leanne 由模特兒同演員身份轉為手作店老闆，Tom 就開咗音樂學校，認真為這個家作打算。

認真，從訂情開始
每對情侶從戀愛到結婚，都認真地為對方作出大大小小嘅打算、付出、犧牲、改變、成長。雖然每段愛情經歷都唔同，但能夠相愛到結婚，都係因為大家同樣認真對待。周生生亦一樣，尊重每一份認真嘅愛，希望藉住呢份認真嘅態度，為每一份真摯嘅感情打造出高品質嘅珠寶，歌頌得來不易嘅緣分，讚美用心經營嘅愛。

周生生Infini Love Diamond鑽戒鑲以浪漫粉紅鑽詮釋你哋罕有又閃亮嘅愛。

想睇更多唔同戀人但同樣認真嘅愛情故事？密切留意周生生Facebook 專頁或按此了解更多！

特約資訊