主頁 > 婚禮籌備 > 其他

去邊度求婚？香港3大戶外求婚地點推介

撰文: 編輯部於 2019-05-03 08:53 25312 次觀看

求婚

data_article_detail.is_new_Slide_show = False

求婚戒指，準備好！求婚對白，準備好！求婚地點呢？屋企或者酒店太沒新意吧？其實香港有許多戶外靚景，浪漫又有情調，無論在陽光普照的日頭、太陽西下的黃昏，還是星光燦爛的晚上，都係求婚好時辰！

沙灘──香港四面環海，有唔少媲美外國的靚沙灘。可以趁夏天，下午先與女友游水堆沙，之後在海邊手拖手漫步，最後就望住個海睇日落，這時問她"Will you marry me？"一定sure win！

沙灘建議：淺水灣、梅窩銀礦灣、南丫島洪聖爺灣、貝澳

草地野餐──文青系戀人可以搵個風和日麗的下午，帶埋親手整嘅愛心便當去草地野餐。喺緩緩微風之下，欣賞大自然嘅美景，然後再喺個野餐籃入面，將你一早準備好嘅戒指拎出嚟求婚，真係青春又浪漫！

野餐草地建議：迪欣湖活動中心、添馬公園、大埔海濱公園、佐敦谷公園

中環摩天輪──歌都有得你唱「天荒地老流連在摩天輪」，問10個女仔，10個都覺得摩天輪代表浪漫！望住璀璨維港夜色，配合熱鬧氣氛，在摩天輪之下讀出真摯感人的誓詞，求婚一定好難忘。

更多求婚貼士，即睇【婚の御守求婚企劃準備室】，幫你作好準備！

特約資訊