擺酒+小旅行 澳門酒店婚宴攻略
29 November,2017
Click Thumbnails to Enlarge
喺香港結婚,由出門、入門、證婚到擺酒,都俾人匆匆忙忙嘅感覺,無瑕細賞一生人只用一次嘅婚宴場地。其實用香港酒店擺酒嘅budget,去一海之隔嘅澳門結婚,行程輕鬆得多,更可當作蜜月小旅行。

兩大Ballroom 典雅VS夢幻

結婚首要考慮婚宴場地,近年澳門開幕新酒店,場地、住宿及配套更加照顧婚禮需要。澳門JW萬豪酒店裝潢典雅,巨型無柱Ballroom擺足100圍酒席,或者劃分為3個獨立廳會廳,舉辦26-37圍中型婚宴。此外,Ballroom同酒店側門相連,新人可以用特別嘅方式進場──花車直接駛入婚宴場地,接受賓客嘅掌聲同歡呼!

澳門麗思卡爾頓酒店俾新人一場宮廷式婚宴,無柱Ballroom可以筵開40席,藍色花紋地氈、手工製水晶吊燈及tiffany blue餐具,都充滿夢幻感覺。特別係俗稱「公主房」嘅大型新娘房,採用歐陸式宮廷設計,可容納新娘子、媽咪同姊妹齊齊化妝換衫,準備以最靚一面示人。新娘房更連接Ballroom廚房,新娘子可以隨時order小食醫肚。

澳門JW萬豪酒店婚宴:MOP$10,888起/席
澳門麗思卡爾頓酒店婚宴:MOP$13,888起/席

蜜月套房 花瓣浸浴

澳門酒店另一吸引之處,梗係裝修豪華嘅套房。預訂澳門JW萬豪酒店及麗思卡爾頓酒店婚宴,可享酒店蜜月套房住宿一晚。特別係麗思卡爾頓酒店,蜜月套房內嘅圓形雲石浴缸,特別加入玫瑰花瓣及泡泡,令新婚之夜添浪漫。此外,新人還可免費享用麗思卡爾頓酒店水療(60分鐘),有助舒緩情緒及消除疲勞。

中西美食大飽足

完成婚禮大事,新人和賓客回港前不妨享盡澳門美食,以下兩間餐廳嘅中西美饌,為結婚之旅留下美滿回憶:

萬豪中菜廳──經典順德菜
限定供應至12月31日,由萬豪中菜廳中菜行政總廚王永其,聯同客席順德菜大廚泡製傳統順德菜。順德有「漁米之鄉」美譽,菜式以淡水魚、鮮奶及地道配菜(如白雪耳、果皮及紅蘿蔔等)為主,製作馳名順德拆魚羮(MOP$52/位)、順德炒牛奶(MOP$78)及九製十年陳皮骨(MOP$98)等菜式。

麗思咖啡廳──挑戰1.2公斤牛扒
連續2年獲米芝蓮評為推介餐廳,提供傳統法國美食。全新菜式1.2公斤戰斧牛扒(MOP$1,288)分量十足,一隻牛只能供應10客戰斧牛扒,由廚師喺你面前即刻切開,未食已經牛香四溢。戰斧牛扒內質嫩滑,油花分佈平均,最啱一班朋友分享。另一新菜式係平時較少機會食到嘅魔鬼魚(MOP$198),香煎之後可以連骨享用,味道同口味更有層次。

澳門JW萬豪酒店
澳門麗思卡爾頓酒店
地址:澳門路氹城澳門銀河綜合度假城