【必讀TIPS】旅行結婚背後5個煩心事

撰文: Edith Yuen 於 2019-05-29 02:00 142762 次觀看

旅行

唔少新人鍾情旅行結婚，以為可以拋開傳統婚禮的枷鎖，享受真正屬於兩個人的時光。不過，旅行結婚真係可以咩都唔理，輕輕鬆鬆出遊？今回列出5個常見的煩心事，讓你提早有心理準備！
更多精彩內容：蜜月規劃懶人包

1. 返香港仲要擺酒
好似啱啱新婚嘅林宥嘉同丁文琪，喺日本輕井澤搞小型婚禮派對，只邀請30多位賓客出席。原來佢哋返到台灣仲要擺多次酒！新人又係咪可以afford到搞兩場婚禮？
更多精彩內容：蜜月規劃懶人包

2. 四大長老同行
一講到要海外結婚加旅行，四大長老有機會話結婚咁大件事，一定要跟埋去！結果本身期盼的二人世界honeymoon變成六人同行family trip，得不償失。
更多精彩內容：蜜月規劃懶人包

3. 唔一定慳錢同省時
以為旅行結婚可以慳返筆？如果真係純簽紙同旅行就係，否則又要買海外婚禮package，又要請埋三姑六婆去，最大件事係要喺當地幫手安排交通及導遊，時間同金錢都大出血，絕非你所想。
更多精彩內容：蜜月規劃懶人包

4. 為錢銀嘈交！
父母開明，唔洗你擺酒，當然係好事！不過佢哋將會糾纏禮金、過大禮、回門等中式習俗，認為唔洗擺酒，禮金自然要多啲。雙方為面子、為錢銀，可能會引起兩家爭拗，新人隨時做磨心，仲邊有心情旅行結婚？
更多精彩內容：蜜月規劃懶人包

5. 旅行結婚都要擇吉日
咪以為旅行結婚只要留意平價機票，保守的父母可能都要你擇日結婚，又要見算命師傅，俾佢講兩講話不宜海外結婚就大鑊！
更多精彩內容：蜜月規劃懶人包
Text_Fanny（Editor's Blog）