親愛的老婆大人

妳笑我就會開心　妳喊幫妳遞紙巾

妳忙陪妳捱眼瞓　妳攰膊頭任妳枕

妳嬲同妳一齊炆　妳遲到時我實等

好嘢實預妳一份　苦瓜苦茶由我哽

家頭細務有我理　洗碗抹窗兼拖地

無論一餸定幾味　好唔好味都歡喜

買衫買袋唔過問　埋單由我俾現金

孝順我哋父母親　對妳坦白句句真

仲會為妳搞氣氛　令妳成世都開心

從此對妳一條心　錫妳就妳唔變心

生仔生女都愛妳　最想全家在一起

第時就算八十幾　日日都講我愛妳

親愛的老公大人

好不容易遇到妳　一生為伴共連理

買餸煮飯我同妳　洗衫拖地工人來

希望時時陪住妳　時間精神俾晒妳

蜜月旅行就晒妳　想去邊度妳話事

晚晚同妳爭件被　日日起身錫啖妳

煩惱負擔一齊理　最緊要係妳歡喜

仔女多少都愛妳　妳我一齊湊佢哋

雙方父母我和妳　孝順至親明事理

瑣碎雜事慢慢理　從今生命只有妳