跟Sammi學修身!紫薯減肥美顏法

跟Sammi學修身!紫薯減肥美顏法
不少新娘子視紫薯為減肥恩物,到底係咪work?樂壇天后鄭秀文(Sammi)近日亦喺Instagram分享食紫薯心得。Sammi教路,將紫薯雪藏一晚先至食,可以減低卡路里!箇中原因是什麼?食紫薯又有什麼營養?尚營坊註冊營養師周詠苑(Jessa)為你解答!

更多精彩內容:【特集】新娘變女神
紫薯有助減磅 原來真係work!

據美國農業部(USDA)的營養資料,以一個中型(150克)紫薯計算,含約177卡路里,39克碳水化合物,5.4克纖維,屬於低脂高纖食物。Jessa話以紫薯作為正餐或小食的五榖類選擇,不但熱量低,仲可以延長飽肚感,減低食高脂食物或零食嘅機會,有助減磅。

更多精彩內容:【特集】新娘變女神

先將紫薯雪藏一晚,卡路里會更低?

Jessa教路,煮熟後的紫薯再經冷卻,會增加抗性澱粉,而抗性澱粉較難被身體消化吸收,會直接被送到大腸,由腸道細菌分解,所以理論上攝取的卡路里會相對減少。

不過腸胃欠佳嘅新娘要注意,含抗性澱粉的食物易令腸胃產生氣體,導致肚有「脹卜卜」嘅不適感覺,不宜吃太多。

更多精彩內容:【特集】新娘變女神

紫薯有助美顏?

Jessa話,紫薯含有花青素、胡蘿蔔素等抗氧化物,含豐富纖維的紫薯亦有助身體排毒。

最後再次提提大家,減肥要配合均衡營養膳食,並非齋食某類食物就會work!

Text_葉明傑

更多精彩內容:【特集】新娘變女神