膚色、指形決定一切!5個挑選求婚戒指小貼士

data_article_detail.is_new_Slide_show = False
膚色、指形決定一切!5個挑選求婚戒指小貼士
作為「求婚三寶」之首,戒指係最重要嘅信物,當然唔可以馬虎!男友揀求婚戒指前,除咗要知道女友戒指size之外,最緊要係因應佢嘅指形及膚色,揀選一隻perfect fit嘅求婚戒指,以下醒你5個必讀小貼士!
手指纖長–清鑲簡約款 簡單就是美

女友有雙纖纖玉手,可以百搭多種婚戒,不過講到最夾嗰款,首選清鑲簡約嘅款式。婚戒鑲嵌單顆主鑽,無加任何襯石,清清哋已經好靚!戒環上可以花多少少心思,配上幾何切割圖案,太複雜嘅設計反而會感覺俗套,未必合適。

圖:周生生Promessa 18K白金石戒指
手指較短–扭脾款營造修長感

手指較短嘅女生,線戒款顯得手指胖、誇張款又會有啲累贅喎!不如揀手工精緻、流線型嘅扭脾款,不但能營造手指修長感,仲可以提升整體線條美。此外,扭脾款無須爪位鑲嵌,主鑽有較多接觸面反射光線,睇起嚟仲更加閃。

圖:周生生Promessa 18K白金鑽石戒指
手指圓潤–環鑲款式顯霸氣

女友手指有啲肉地?呢款顯大嘅款式最適合!主鑽下有一圈襯石包圍,夠晒霸氣,除咗啱返手指比例,亦毋須用太大粒主鑽,都可以做到好閃嘅效果,CP值更高。

圖:周生生Promessa 18K白金鑽石戒指
膚色較白–白金、黃金、玫瑰金crossover

肌膚白晳嘅女生,可輕易carry白金、黃金及玫瑰金婚戒。男友拿不定主意送邊款?不如送上三色婚戒,唔同顏色令女友指尖更顯白。好似呢款,結合黃金、玫瑰金及白金,脾位鑲滿細鑽,造型和閃亮度都兼顧得到。

圖:周生生Promessa 18K白金、黃金及玫瑰金鑽石戒指
健康膚色–寶石款式更搶Fo

健康膚色嘅女生戴上銀白婚戒,會令手指膚色睇落更深,建議以寶石代替鑽石,可以達至轉移視覺嘅效果,同時更搶Fo,加強「觀眾」注意力。

圖:周生生18K白金黃鑽石戒指

更多婚飾選擇及貼士,盡在幸福出嫁手記

特約資訊